ຂົວອູ່ สะพานแขวน savannakhet

ຂົວອູ່ savannakhet

ຂົວອູ່ ແມ່ນຂົວໜຶ່ງ ທີ່ຍັງຫຼົງເຫຼືອ ຈາກສັດຕູ ທີ່ທໍາລາຍໃນສົງຄາມ, ຕັ້ງຢູ່ ບ້ານດົງໃຫຍ່, ເມືອງເຊໂປນ ຫ່າງຈາກ ເສັ້ນທາງເລກທີ 9 ເຂົ້າໄປ ປະມານ 2 ກິໂລແມັດ, ໄປຕາມເສັ້ນທາງ ເມືອງນອງ. ຂົວອູ່ແຫ່ງນີ້ ສ້າງຂຶ້ນໃນ ປີ 1973 ແລະ ສໍາເລັດໃນ ຕົ້ນປີ 1975 ໂດຍແມ່ນ ທະຫານກອງພົນ ປະເທດຫວຽດນາມ ເປັນຜູ້ສ້າງຂຶ້ນ, ໃນການສ້າງແມ່ນ ໃຊ້ແຮງງານຄົນ ເປັນຕົ້ນຕໍ, ຂົວອູ່ແຫ່ງນີ້ ມີຄວາມຍາວ 165 ແມັດ, ກ້ວາງ 4 ແມັດ, ທາງກາງ ແມ່ນປູດ້ວຍຢາງປູ່ທາງ, ທາງສອງຟາກຂ້າງ ແມ່ນມີທາງຄົນຍ່າງ ເບື້ອງລະ 1 ແມັດ, ປູດ້ວຍໄມ້ແປ້ນ, ຂົວນີ້ບໍ່ມີເສົາກາງ, ມີແຕ່ເສົາຢູ່ ທາງສອງພາກຂ້າງ ແລ້ວມີສາຍເຕີຍໃຫຍ່ ເໜັ່ງຂ້າມ, ຂ້າງລະ 12 ເສັ້ນ ລວມທັງໜົດເປັນ 24 ເສັ້ນ ແລ້ວ ມີເຫຼັກເສັ້ນໃຫຍ່ ຈັບສາຍເຕີຍຢ່ອນລົງເປັນເສົາ ປຽບເໜືອນດັ່ງກັບ ອູ່, ສະນັ້ນ ເຂົາຈຶ່ງເອີ້ນກັນວ່າ “ຂົວອູ່”. ຂົວອູ່ ແຫ່ງນີ້ ແມ່ນສ້າງຢູ່ໃນເສັ້ນທາງ ໂຮ່ຈິມິນ ເພື່ອລົງໄປປົດປ່ອຍພາກໃຕ້ ປະເທດຫວຽດນາມ ໃນປີ 1975. ຫ່າງຈາກສະຫວັນນະເຂດ ປະມານ 224 ກິໂລແມັດ.