ວິທີປ້ອງກັນອຸປະຕິເຫດໃນການຂັບຂີ່
ອຸປະຕິເຫດຕາມຖະໜົນຫົນທາງເກີດຂຶ້ນຢູ່ເປັນປະຈຳໃນຊີວິດປະຈຳວັນ. ແລ້ວເຮົາຈະເຮັດແນວໃດເພື່ອຫຼີກລ່ຽງອຸປະຕິເຫດເຫຼົ່ານັ້ນ?
ບໍ່ໃຊ້ໂທລະສັບໃນເວລາຂັບລົດ.
- ເພາະວ່າການໃຊ້ໂທລະສັບໃນເວລາຂັບຂີ່ ເປັນອີກໜຶ່ງສາເຫດທີ່ກໍ່ໃຫ້ເກີດອຸປະຕິເຫດຕາມຖະໜົນຫົນທາງ, ຖ້າຈຳເປັນແທ້ໆຄວນໃສ່ຫູຟັງ ຫຼື ອຸປະກອນເສີມຕ່າງໆ.
ບໍ່ຂັບລົດໄວເກີນໄປ.- ບໍ່ວ່າຈະຟ້າວປານໃດກໍຄວນຂັບໃນຄວາມໄວພໍດີເພື່ອຄວາມປອດໄພແກ່ເຮົາ ແລະ ເພື່ອນຮ່ວມທາງ.
ເປີດໄຟສັນຍານ.- ການໃຊ້ໄຟສັນຍານທຸກຄັ້ງ ຈະຊ່ວຍໃຫ້ສື່ສານກັບຜູ້ຂັບຂີ່ຄົນອື່ນໄດ້ດີຂຶ້ນ.
ເມົາບໍ່ຂັບ.- ຍັງມີອີກຫຼາຍວິທີທີ່ສາມາດກັບບ້ານໄດ້ເຊັ່ນ: ໃຫ້ໝູ່ຂັບເມືອສົ່ງ ຫຼື ໃຊ້ບໍລິການລົດໂດຍສານ.
ຮັດສາຍແອບບ່ອນນັ່ງ (ເຂັມຂັດນິລະໄພ).- ເພື່ອຄວາມປອດໄພ ແລະ ປ້ອງກັນການບາດເຈັບສາຫັດເມື່ອເກີດອຸປະຕິເຫດ.
ກວດເຊັກລົດ.- ກວດເຊັກລົດໃຫ້ຢູ່ໃນສະພາບດີຢູ່ສະເໝີ, ປັນຫາລົດເປ່ເພກໍສາມາດກໍ່ໃຫ້ເກີດອຸປະຕິເຫດເວລາຂັບຂີ່ໄດ້.
ຂັບລົດໃນສະພາບອາກາດທີ່ເໝາະສົມ.ເປັນໄປໄດ້ຄວນຫຼີກລ່ຽງການຂັບຂີ່ໃນເວລາກາງຄືນ ຫຼື ຕອນຝົນຕົກ ເພາະມີໂອກາດສ່ຽງໃນການເກີດອຸປະຕິເຫດຫຼາຍກວ່າເວລາປົກກະຕິ.
ຂໍຂອບໃຈບົດຄວາມ
ไม่มีความคิดเห็น:
แสดงความคิดเห็น